«Астана Опера» Алматыда өнер көрсетеді

Жаңалықтарды Telegram арнамыздан оқыңыз!

«Астана Опера» театры алғашқы гастрольдік сапарын еліміздің оңтүстік астанасы Алматыдан бастамақ. 4 ақпаннан бастап жеті күн бойы алматылықтар «Ромео мен Джульетта», «Петя мен қасқыр» сияқты үздік қойылымдарды тамашалай алады.

Ал спектакльдер тізімін Борис Эйфманның қойылымындағы «Роден» балеті түйіндейді. Билеттер бағасы 500 теңгеден 30 мың теңгеге дейін барады.

Гастрольдік сапар театрдың репертуарындағы ең үздік сахналарынан құрылған гала-концертпен аяқталатын болады. Қазір дайындық қызу жүргізілуде. Барымызды салуға тырысамыз. Ең бастысы, алматылықтардың алдында ұялмастай болуымыз керек, дейді театр басшылығы.

Төлеген Мұхамеджанов, «Астана Опера» мемлекеттік опера және балет театрының директоры:

Біз өзіміздің маусымды «Біржан-Сара» операсымен ашамыз. «Біржан-Сара» операсын біз арнайы алып бара жатырмыз. Оны қойған Ресейдің халық әртісі - Юрий Александров. Сонымен бірге, тағы екі балет апарамыз.

Индира БЕГАЙДАР