Жаңалықтарды Telegram арнамыздан оқыңыз!Петропавлда синтетикалық есірткі сатумен айналысқан 25 жастағы келіншек ұсталды. Тінту кезінде күдіктінің қалтасынан кристалл тәрізді зат салынған 33 полимер түйіншек тәркіленді. Күдікті екі жыл бұрын көпқабатты үйлердің қабырғаларына түрлі белгі қойып, интернетте есірткі сататын веб-ресурстарды жарнамалаған. Енді ол аса ірі көлемде есірткі сақтағаны үшін 7 жылға дейін сотталуы мүмкін. Қылмыстық іс қозғалды. Жыл басынан Солтүстік Қазақстанда көше, тұрғын үйлердің аулаларында белгіленген орындарға жасыру жолымен есірткі таратқан 13 адам ұсталды. Жалпы салмағы 4 келіден астам синтетикалық есірткі тәркіленді.
Руслан Үмбетов, Облыстық ПД есірткіге қарсы күрес басқармасының аса маңызды істер жөніндегі аға жедел уәкілі:
Сот-химиялық зерттеу нәтижесіне сәйкес «альфа-PvP» синтетикалық есірткі болып табылды. Жалпы салмағы 15,3 гр. бұл аса ірі мөлшерге жатады.
