ҚМДБ ғұламалар кеңесінің ХХХІ мәжілісі өтіп жатыр

Алматыда Қазақстан мұсылмандары діни басқармасы жанындағы Ғұламалар кеңесінің мәжілісі өтіп жатыр. Жиында онлайн неке қию, текті ауыстыру мен жерленген адамның топырағын алып, басқа жерге көшіру, гив ойнатудың үкімі мен Форекс нарығына қатысты түйткілді мәселелер талқыланды. Кеңестен соң арнайы пәтуа шығарылады. Діни басқарма өкілдерінің айтуынша соңғы кезде онлайн неке бойынша өтініштер көп түскен. Арасында бас бостандығынан айырылып, жазасын өтеп жатқан азаматтар да бар. Сондай-ақ, жиын барысында Мемлекет басшысының саяси қуғын-сүргін құрбандарын ақтау жөніндегі тапсырмасы талқыланды. Басқарма төрағасының сөзінше осы мәселе бойынша арнайы құрылған комиссиямен бірлесе бірқатар жұмыс жоспарланып отыр.   

Қуан Нұрақын