Жаңалықтарды Telegram арнамыздан оқыңыз!Испанияның Эстепона курорттық қаласында орман өрті қаулап, 900-ден астам адам үйлерін уақытша тастап кетті. Жалынды сөндіру кезінде 44-жастағы өрт сөндіруші қаза тапқан. Сәрсенбінің таңында тұтанған от жасыл желегі жайқалған 2 мың гектар орман алқабын күлге айналдырды. «Рейтердің» мәліметінше, тілсіз жау әлі бақылауға алынған жоқ. Оны сөндіруге 300-ден астам маман жұмылдырылған. Лапылдаған өрт қаупінен Жерорта теңізі бойындағы бірнеше жол уақытша жабылды.
Арай Төлегенқызы
