Қазақстандық студенттердің шәкіртақысы өсті

Еліміздегі жоғары оқу орындарында бакалавр бағдарламасы бойынша оқитындардың шәкіртақысы 20%-ға, ал магистранттар мен докторанттардың шәкіртақысы 15%-ға өсті. Бұл туралы Білім және ғылым министрлігінің өкілдері мәлімдеді. Кешенді шаралар Президент тапсырмасы мен «Nur Otan» партиясының сайлауалды бағдарламасын іске асыру шеңберінде жүзеге асырылып отыр.

Бакалаврда оқитын студенттердің шәкіртақысы 26 186 теңгеден 31 423 теңгеге дейін артты. Осыған дейін магистранттар 66 913 теңге алса, енді олардың ай сайынғы стипендиясы 76 950 теңгені құрайды. Докторанттар стипендиясы 150 000 теңгеден 172 500 теңгеге дейін өсті.