Алматы қаласына №1 көлден қауіп жоқ - Юрий Ильин

Бүгін вице-министр Юрий Ильин баспасөз мәслихатын өткізіп, қаладағы жағдайды баяндады. «Қарғалы шатқалындағы жағдайға қатысты алаңдауға еш негіз жоқ», - деді ол.

Дегенмен, Алатау ауданында сәл де болса қауіп әлі де бар. Онда қазір барлық тиісті шаралар қолға алынды. Қосымша бақылау бекеттері қойылып, инженерлік техника жеткізілген.

Юрий Ильин, ҚР Ішкі істер министрінің орынбасары:

Біз су деңгейінің түсіп жатқанын көріп отырмыз. Яғни, қазіргі сәтте Алматы қаласына ешқандай да қауіп төніп тұрған жоқ. Басқа да аумақтарды бақылауға алдық. Жағдай қалыпты деуге болады. Қарғалы өзенінің арнасы бойында орналасқан тұрғын үйлер мен учаскелерді су басқан жоқ.

Әсима НҰРБАЙҚЫЗЫ