Алматыда вакцина алушылардың саны артты

Коронавирусқа тойтарыс берудің жалғыз жолы – вакцина екенін халық түсіне бастады. Сәуір айында басталған екпе салу науқаны қазір Алматыда қарқынды жүріп жатыр.

Мегаполис бойынша медициналық мекемелерде, мәдениет және спорт нысандарында, сондай-ақ базарлар мен сауда орындарында екпе салу пунктері жұмыс істеп тұр. 240-қа жуық вакцинациялау бригадасында мыңнан аса медицина қызметкерлері бар. Дәрігерлердің сөзінше көктемгі кезеңмен салыстырғанда тұрғындардың екпе алуға деген құлшынысы артқан.

Гүлзат Аманбаева, қалалық №5 емхананың бөлім меңгерушісі: 

Сәуірдің басынан бастап осында отырмыз. Алты айдай болып қалды. Басында адам аз болды. Кейіннен көбейді. Күнделікті кем дегенде біз 300 адамға вакцина саламыз. Бізден сұрайды ғой. Бір туысым, жолдасым, жұмыстағы танысым ауырды деген сияқты. Көп сенбеген адамдар келіп қазір вакцина алып жатыр.

Қуан Нұрақын