Алматыда коронавирус жұқтырған 472 науқас жансақтау бөлімінде жатыр

Алматыда коронавирус жұқтырған 472 науқас жансақтау бөлімінде жатыр. Қала бойынша инфекциялық стационарларда 6 мыңнан аса адам ем қабылдауда. Мегополистің санитарлық-эпидемиологиялық бақылау департаментінің мәліметінше бір күнде 1500 тұрғын вирус жұқтырды. Амбулаториялық бақылауда 13 мыңнан аса науқас бар. Вакцина салдырғандардың саны бойынша Алматы қаласы алдыңғы орында. Шаһар бойынша олардың саны 850 мыңға жақындады. Соңғы тәулікте 12 мыңға жуық алматылық коронавирусқа қарсы вакцина алды. Мамандар жансақтау бөліміне түскен науқастардың басым бөлігі екпе алмағандар екенін айтады. Сондықтан түрлі қауесетке сенбей вакцина алуға шақырады.