Алматы қайтадан «сары» аймаққа өтті

Алматы қаласы қайтадан «сары» аймаққа өтті. Соңғы тәулікте мегаполисте 110 адамнан коронавирус анықталды. Қалалық денсаулық сақтау басқармасының мәліметінше, олардың басым бөлігінде ауру белгілері бар. Инфекциялық стационарлардағы 600-ге жуық науқастың 55-і жансақтау бөлімінде жатыр. Ал вакцина бойынша қала тұрғындары соңғы күндері белсенділік танытуда.

Өткен тәулікте 5 мыңнан астам адам екпе алды. Осылайша қала бойынша вакциналанғандар саны 380 мыңнан асты. Екпе дозалары жеткілікті дейді мамандар.

Нұрхан Нұрланұлы