Оқушыларымыз Еуропалық география олимпиадасында тарихи нәтижеге қол жеткізді

2 алтын, 5 күміс және 2 қола медаль. Болгарияның Варна қаласында өткен Еуропалық география олимпиадасында оқушыларымыз осындай тарихи жетістікке жетті. Ұлттық құраманың 9 мүшесі де медаль олжалады. Жарысқа 13 мемлекеттен 100 оқушы қатысты. Олимпиада барысында қатысушылар физикалық, әлеуметтік-экономикалық және аймақтық география бойынша теориялық, практикалық тапсырмаларды орындап, картографиялық материалдар мен географиялық деректерді талдау дағдыларын көрсетті.