Туристерді іздеуге республикалық жедел құтқару жасағы да қосылды

Түркістан облысындағы Сайрам-Өгем табиғи паркі аумағына жоғалып кеткен екі туристі іздеуге республикалық жедел-құтқару жасағы қосылды. Құрамында білікті әрі тәжірибелі мамандары бар топ Айғыржыққан өзенінің қос қапталын жіті тексеріп, Орта қызыл тау шатқалына дейін іздеу жүргізбек. Таулы қыраттармен қозғалудың қиындығы және өзеннің қатты ағысына байланысты іздеу-құтқару ісіне қосымша күш шақыртуға тура келген. Бүгінге дейін жергілікті құтқарушылар бір жарым мың шақырымнан астам тау шатқалын сүзіп шыққан. Тікұшақ арқылы 10 мың шақырым аумақ тексерілді.

Ерік Сарыбаев, Облыстық төтенше жағдайлар департаменті басшысының орынбасары:
Іздестіру жұмысы өзен бойында багорды пайдалану арқылы терең және соқпақты, тұрып қалған ағаштардың астын қарау жұмыстары да жүргізілуде. Жалпы бүгінгі таңда 122 жеке құрам, 12 техника және бір тікұшақ пайдаланылып, іздеу жалғасуда.

Ғани Қалмаханов