Армениядан әкелінген көліктерге қос салық салынбайды

Армениядан әкелінген көліктерге енді елімізде ғана салық салынады. Бұған дейін мұндай жүргізушілер қос мемлекеттің бюджетіне де ақша төлейтін. Өйткені көліктер Қазақстанға әкелінгенімен, Арменияның уәкілетті органдарының тіркеу есібінен шығарылмаған. Сол үшін екі ел қосарланған салық салуды болдырмау және салық салудан жалтаруға жол бермеу туралы конвенцияның аясында өзара уағдаластыққа келді. Оған сай, көліктер Армениядан 2020 жылдың бірінші ақпанына дейін әкелінген және тіркеуге алынған болса, елімізге ғана салық төлейді.

Досжан Маратұлы