Мемлекетке жарты млрд-тан астам шығын келтірген қос кәсіпкер сотталды

Павлодар облысында жалған бухгалтерлік құжаттар дайындап мемлекетке жарты млрд-тан астам шығын келтірген қос кәсіпкер сотталды. Олар 4 жыл бойы қылмыстық әрекеттерін жүзеге асырған. Нақтырақ айтқанда, кәсіпорындардың есеп-шотындағы қаржыны қолма-қол ақшаға айналдырып беріп отырған. Ол үшін «өзара есеп айырысу» құжаттарын дайындап, мемлекетке салық төлеуден жалтарған. Кеңсені тінту кезінде қаржылық операциялардың түбіртектері табылды.

Мәди Омарбеков, Экономикалық тергеу департаментінің басқарма басшысы:
Мемлекетке 500 млн теңгеден астам шығын келтірген. Сотта кінәлі екендіктері дәлелденіп, 4 жылға қамалды. Және қаржылық, коммерциялық ұйымдарда 5 жылға дейін басшылық қызметке тағайындалмайды.

Болат Аманбаев