Шиелі ауданында салынып жатқан цемент зауытының жатақханасы өртенді

Қызылорда облысы Шиелі ауданында салынып жатқан «Гежуба» цемент зауытының жатақханасы өртенді. Тез жанатын құрылыс материалынан салынған уақытша тұрақ жарты сағаттың ішінде күлге айналды. Жатақханада 42 адам тұрып жатқан. Барлығы Қытай азаматы. Тілсіз жау бір адамның өмірін қиды. 

Руслан Қайрақбаев, облыстық Төтенше жағдайлар департаментінің басқарма бастығы:

- Жатақхана ішінен 1976 жылы туған Қытай Республикасының жұмысшы азаматының мәйіті табылды. Бұл оқиғаға қатысты Қызылорда қаласының өрт-сынақ зертханасы оқиға орнына жіберілді. Қазіргі таңда жұмыстар жасалып жатыр.

Ақерке БЕРІКБЕКҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.