Алматыда 300-ге жуық кәсіпкер жұмыссыз қалуы мүмкін

Себебі, қала әкімдігі «Рахат» базарын «санитарлық-қорғау аймағы, яғни, зират маңында орналасқан» деп, жалға беру мерзімін ұзартудан бас тартқан. Дегенмен, 1 гектар жер жеке компанияға өтіп кеткен. Жерді «Алматы СРS» фирмасы жиһаз фабрикасын салу үшін 5 жылға жалға алған. Жылдар бойы салық төлеп, нәпақасын тауып жүрген кәсіпкерлер бұған наразы. Айтуларынша, Жер комиссиясы аумақты беру жөніндегі шешімді 3-ақ күннің ішінде щығарған. Ал, жерді жалға беру үшін қабылданатын шешім заңда кемі 2 ай деп көрсетілген. Оған үстіне 25 базардың қақ ортасынан жиһаз фабрикасын салу қисынсыз. Талабымыз орындалмай, алған бетімізден қайтпаймыз дейді бизнес өкілдері. 

Жәмила Төленова, кәсіпкер:  

Салықтарын ай сайын төлеп отыр. Өздерінің жұмысшы орындары бар. 300 адамның артында мың адамның мүддесі тұр. Бұл шешімін таппаса біз сот арқылы өз талабымызды ары қарай жалғастырамыз. Және құқығымыздың қорғалуына заң аумағында қорғалуын талап етеміз. 

Қуан Нұрақын