Алматыда жүк көлігі жер астына түсіп кетті

Алматыда жүк көлігі жер астына түсіп кетті. Абырой болғанда жүргізуші дін аман. Ол денсаулығының жақсы екенін айтып, ауруханаға барудан бас тартты. Басқа ешкім зардап шеккен жоқ. Қиыршық тас тиелген салмағы 27 тонналық КамАЗ жылу құбырлары орналасқан аумаққа кірген. Соның кесірінен жер опырылып, көлік су құбырының үстіне құлаған. Салдарынан 500 миллиметрлік құбырға зақым келді. Қазір бірнеше әлеуметтік маңызы бар нысандар мен тұрғын үйлер жылудан уақытша ажыратылды. Қалпына келтіру жұмыстары жүріп жатыр. «Алматы жылу желілерінің» мамандары түнгі сағат 11-ге дейін ыстық су мен жылуды қосуға уәде беріп отыр.

Қуан Нұрақын