Ақмола облысында санитарлық талаптарды сақтамаған 14 мектепке айыппұл салынды

Ақмола облысында жыл басынан бері санитарлық талаптарды сақтамаған 14 мектепке 800 мың теңге айыппұл салынды. 1-қаңтардан бастап облыста 500 оқушы коронавирус инфекциясын жұқтырды. 82 мектеп карантинге жабылды. Оның 60-ы оқушыларға дәстүрлі форматта білім беруге қайта көшті. Ал бақылау топтары жыл басынан бері барлығы 7 мыңға жуық нысанда тексеріп, 200-інде карантин талаптарының сақталмағанын анықтады. 27 миллион теңге айыппұл салынды. 

Айнагүл Мусина, облыстық Тауарлар мен қызметтердің сапасы мен қауіпсіздігін бақылау департаментінің басшысы:
Облыста коронавирус инфекциясының таралуы төмендеп келеді. Дегенмен бақылау топтарының жұмысы тоқтамайды. Әсіресе, демалыс күндері күшейтілген түрде қызмет атқарады. Бұдан былай көпшілік іс-шараларды ұйымдастырғанда да, оған қатысқандар да жауапкершілікке тартылатындығын ескерткім келеді.  

Ермек Елберген