Алаяқтар зейнетақы деректеріне қатысты жалған хабарламалар таратып жатыр

Бірыңғай жинақтаушы зейнетақы қоры желіде алаяқтардың жалған хабарлама таратып жатқанын ескертті. Яғни, өзін зейнетақы қорының қызметкерімін деп таныстыратын пысықайлар банк картасының нөмірі мен зейнетақыны қайта есептеу үшін салымшыдан жеке деректерін сұрайтын көрінеді. Бірыңғай жинақтаушы зейнетақы қоры мұндай алдау жүйесінің Ресейде жүзеге асырылғанын, қазақстандық зейнетақы қорына еш қатысы жоқ екенін анықтады. Қор қызметкерлері жеке деректер мен банк карталарының нөмірін сұрамайтынын еске салды. Сондықтан салаға жауапты мамандар бейтаныс сайттарға, күдікті сілтемелерге өтпеу керектігін ескертеді. Ақпаратты тек ресми сайттан алуға кеңес береді.

Раушан Сайлауқызы