Қоғамдық сананы жаңғырту бағытында арнайы жол картасы ұсынылды

Қоғамдық сананы жаңғырту бағдарламасын іске асырудың арнайы жол картасы ұсынылды. Бұл - осыған дейін көптеген маңызды шаралардың атқарылуына ұйытқы болған «Рухани жаңғыру» бағдарламасының жалғасы. Мемлекеттік хатшының төрағалығымен өткен ұлттық комиссия отырысында жобаға қатысты ұсыныстар айтылды. Мәселен, Қазақстанның толық академиялық тарихын жазу үшін «Халық тарихы» атты жобалық кеңсені ашу маңызды. Жиналғандар туризмді дамыту, балалар мен жасөспірімдер үшін сапалы білім контентін қалыптастыру бастамаларына ерекше назар аудару керектігіне тоқталды.

Қырымбек Көшербаев, ҚР Мемлекеттік хатшысы:

Бұл құжат Елбасы ұсынған аса маңызды бағдарламаны жаңғыртуға жаңаша серпін беретініне сенімдімін. Тәуелсіздігіміздің 30 жылдығын атап өту бойынша билік тарапынан атқарылған әрбір шара нақты бағыттарға бағытталуы керек, дақпырт пен даңғазаға жол жоқ.

Раушан Сайлауқызы