Жаңалықтарды Telegram арнамыздан оқыңыз!Павлодарда бүгін тағы құбыр жарылып, көпқабатты бірнеше үй мен әлеуметтік нысандар сусыз қалды. Кеше ғана қаланың орталығындағы негізгі магистральдің камерасындағы ысырма қақпақ сынып кетіп, отыздан астам тұрғын үй мен бірнеше әлеуметтік нысанға су берілмеді. Жөндеу жұмыстары бүгін кешкісін аяқталды. Тұрғын үйлерге су біртіндеп беріліп жатыр. Ал, бүгін жарылған құбырдың қашан ауыстырылатыны әзір белгісіз. Тұрғындарға ауыз арнайы көліктермен тасымалдануда.
Вадим Паршуков, «Павлодар су арнасы» ЖШС бас инженерінің орынбасары:-Нұрмағанбетов көшесінде диаметрі 200 миллиметрлік құбыр жарылған. Көпқабатты 7 үй мен 3 әкімшілік ғимарат сусыз қалды. Ал, Астана 8 мекенжайындағы ақаудың салдарынан көпқабатты 3 үйге су жіберу тоқтатылды. Қазір сол аймақтарда жөндеу жұмыстары жүріп жатыр.
Болат Аманбаев
