Қазақстандықтар былтыр шетелге 787,7 млрд теңге аударған

Қазақстандықтар былтыр ақша аударымдары жүйесі арқылы шетелге 787,7 млрд теңге аударған, деп хабарлайды ranking.kz.

Бұл бір жыл бұрынғымен салыстырғанда 20,2%-ға көп.

Қазақстаннан шетелге аударылған ақшаның басым бөлігі Ресей Федерациясына (27,1%), Қырғызстанға (21%), Түркияға (17,4%) жіберілген. 

Ал шетелден Қазақстанға келген ақша аударымдары 286,8 млрд теңгені құрады. 2019 жылдың сәйкес кезеңімен салыстырғанда 16,8%-ға аз.

Жалпы, шетелден елге келген ақша аударымдарының 85 пайызы Ресей Федерациясынан (74 млрд теңге), Оңтүстік Кореядан (51,6 млрд теңге), Өзбекстаннан (38,3 млрд теңге) және Қырғызстаннан (33,7 млрд теңге) аударылған.