АШМ: Жұмыртқа бағасының қымбаттауы негізсіз

Ауыл шаруашылығы министрлігі жұмыртқа бағасының өсуін негізсіз деді. Жыл басынан бері оның 10 данасы 460-тан 600 теңгеге дейін қымбаттаған. Ұлттық статистика бюросының мәліметінше, былтыр жұмыртқа 20 процентке қымбаттаса, қаңтар айында 30 пайызға дейін көтерілген. Сарапшылар бұған тапшылық пен жұмыртқаға маусымдық сұраныстың артуы себеп дейді. Десе де нарықтағы ахуалды зерттеген ауыл шаруашылығы министрлігі ешқандай тапшылық жоқ деп отыр. Кәсіпкерлер бағаны өзара келісіп әдейі көтерген болуы мүмкін. Сол үшін жемқорлыққа қарсы іс-қимыл агенттігінен осыны анықтауды сұрап отыр.

Досжан Маратұлы