Измирде сел жүріп, екі адам қайтыс болды

Түркияның Измир қаласында екі күн бойы тоқтаусыз құйған жаңбырдан соң болған селден 2 адам қайтыс болып, ондаған адам жараланды. Көз жұмған екі адамның сел кезінде көліктен шыға алмай тұншығып өлгендері белгілі болды. Табиғи апаттармен күрес басқармасының хабарлауынша Измир қаласы мен маңайындағы елді мекендерде 1700-ден аса үй мен жүздеген автокөлікті су басқан. Баспаналарына су кірген тұрғындар қауіпсіз жерге көшірілді. Қазір апаттан зардап шеккендердің нақты саны анықталып, селден келген шығын есептеліп жатыр. 

Естеріңізде болса, өткен жылы қыркүйек айында болған қуатты зілзаладан осы Измир қаласында 117 адам қайтыс болған еді. 

Айдос Әшімұлы