Жаңалықтарды Telegram арнамыздан оқыңыз!Түркістан қаласына газ құбырларын тарту жұмыстары толықтай аяқталып, тұрғындар көгілдір отынға қосылуға мүмкіндік алды. Биылғы жылыту маусымынан бастап шаһардың орталық жылу қазандығы да табиғи газды пайдалануда.
Облыс әкімі Өмірзақ Шөкеевтің айтуынша, ауқымды жұмыстардың нәтижесінде қаланың экологиялық жағдайы да жақсарған. Ауаның ластауы 65 % -ға төмендеп, қаланы қара түтін басу азайған. Десе де тұрғындардың жартысына жуығы әлі көгілдір отынға қосылып үлгермеді. Базбір үйлерде құбырларға су қатып, газ беру ісінде түрлі проблемалар туындауда. Осыны ескерген жергілікті билік газға жауапты мекемемен ортақ келісімге келіп, баспаналарды көгілдір отынға қосу жұмыстарын жеделдетуде. Тұтынушыларға түрлі жеңілдіктер жасауда.
Мейіржан Мырзалиев, Түркістан облысы әкімінің орынбасары:- Бұрын газға қосылу газ болған жерлерде 250-300 мың теңгеден болса, қазір 85 мың теңгеден аспайды. Техникалық шарттарды алу бұрын бір айға дейінгі уақытты алса, қазір екі-ақ жұмыс күнінде қаралып, тұрғындардың өтініші қанағаттандырылып жатыр.
