Елордада үлескерлердің мәселесі 2023 жылға дейін шешілмек

Елордада үлескерлердің мәселесі 2023 жылға дейін толық шешілуі тиіс. Бүгін бас қаланың құрылысын бақылау жөніндегі комиссиясының отырысын өткізген Премьер-Министр Асқар Мамин осындай тапсырма берді. Биыл Нұр-Сұлтанда 3 миллион шаршы метр үй пайдалануға беріліп, үлескерлердің мәселесін шешу мақсатында 20 тұрғын үйдің құрылысы аяқталды. Әрі үш жылда құрылысы сағызша созылған тағы 22 нысан салынып бітуі керек. Елорданы дамытуға Елбасы мен Президенттің қатты көңіл бөлетінін айтқан Мамин құрылыс жоспарындағы іс-шараларды дер кезінде іске асыруды ескертті.   

Досжан Маратұлы