Мұнай-газ учаскелері онлайн-аукцион арқылы сатылады

Елімізде жеті мұнай-газ учаскесі аукцион арқылы сатылмақ. Пандемияға байланысты ол онлайн өтеді. Сатылымға шығарылған жерлер Сарайшық, Үштаған, Бестерек, Сағыз және өзге де аймақтарда орналасқан. Қойнауы қара алтын мен көгілдір отынға толы учаскелердің жалпы аумағы 30 шаршы шақырым.

Аукционға қатысу үшін арнайы жарна төлеу керек. Жеңімпаздар зерттелмеген аумақта ұңғыма қазуға және мұнай қоры бар жерлерде өндіріс көлемін арттыруға міндетті. Әзірге аукционға қатысуға 80-нен астам адам өтініш берген. Электрондық сауданың өзі 23 желтоқсанда өтеді. 

Досжан Маратұлы