ТҚЖБ қызметі үшін ақы алмайтын болды

Зейнетақы қорындағы ақшаның бір бөлігін алу ережесі жұрттың түсінбеушілігін тудырып жатыр. Әсіресе қаржыны үлестіруге жауапты «Тұрғын үй құрылыс жинақ банкінің» қосымша комиссия алатынына наразылық білдірушілер көп. Талқыланып жатқан құжат бойынша, қордағы ақша алдымен «Тұрғын үй құрылыс жинақ банкіне», кейін өзіңіз көрсеткен шотқа аударылады. Осы қаржылық операция кезінде комиссия ұстау көзделген. Бұл ережеге қарсы шыққандар оны алып тастауды сұраған. Жұрттың пікірін ескерген біріңғай оператор қызметі үшін қосымша ақы алмайтын болды. 

Ләззәт Ибрагимова, «Тұрғын үй құрылыс жинақ банкі» АҚ басқарма төрайымы: 

-Барлық комиссияларды алып тастаймыз. Қордағы ақшаңыздың бір бөлігі түсетін шотты ашу, кейін оны басқа шотқа аудару бойынша қызметіміздің барлығы тегін болады.   

Досжан Маратұлы