Жаңалықтарды Telegram арнамыздан оқыңыз!Түркістан облысындағы қару-жарақ ұрланған әскери бөлімінің командирі бірнеше қылмыс жасағаны үшін 10 жылға сотталды. Сот майор шеніндегі Ержан Дауытовтың қызмет барысында лауазымын асыра пайдаланғанын, қарамағындағылардың денсаулығына қасақана зардап келтіргенін айғақтады. Әрі оның алаяқтықпен айналысып, қызметіне немқұрайлы қарағаны да дәлелденді. Бөлімше командирінің өз ісіне салғырттығынан әскери бөлімдегі қару-жарақ қолды болған. Тәртіпсіздік пен бақылаудың жоқтығын пайдаланып, кіші сержант Абылай Балғынбай биылғы жылдың ақпанында қару-жарақ пен оқ-дәрілерді ұрлап алып шыққан болатын. Алайда сотталушының қорғаушылары соттың үкімімен келіскен жоқ. Аппеляциялық шағым түсіруге әзірленуде.
Бүрлібай Қаюпов, Шымкент әскери сотының судьясы:-Дауытов Ержан майор шенін айырылсын. Оған 10 жыл бас бостандығынан айыру жазасы тағайындалсын.
Ғани Қалмаханов
