Жаңалықтарды Telegram арнамыздан оқыңыз!Шымкент қаласында мобильді топтар карантин басталғалы санитарлық талаптарды сақтамаудың 910 дерегін анықтады. Бетпердесіз жүргені үшін 213 азаматқа айыппұл салынды. Талапты ескермеген сауда үйлері мен базарларға қатысты 260 хаттама толтырылып, құзырлы органдарға жолданды. Ал қатаң тыйым салынғанына қарамастан той думан өткізген 125 азамат айыппұл төледі. Кей кәсіпкерлік нысандар тәртіпті бірнеше рет бұзған.
Данабай Алиев, Шымкент қаласы полиция департаментінің аға инспекторы:
-Атап айтқанда «Шафран» мейрамханасы 2 рет, «Донер» орталығы, «Жұлдыз» тойханасы 3 рет, «Роял Ройс» 3 рет карантин режимін бұзғаны үшін 425 баппен хаттама толтырылды.
Ғани Қалмаханов
