Жаңалықтарды Telegram арнамыздан оқыңыз!Батыс Қазақстан облысында ертеңнен бастап карантин күшейеді. Түнде жүруге тыйым салынып, жексенбіде сауда үйлері жұмысын тоқтатады. Мемлекеттік қызметкерлердің 80 пайызы, жеке сектор жұмысшыларының 50 пайызы қашықтан жұмыс істеуге көшеді. Ал бұған дейін ашылған санитарлық бекеттер жабылады. Бұдан былай карантин қағидасын бұзғандардың барлығы қатаң жазаланады.
Әдемі Хасанова, БҚО Санитарлық-эпидемиологиялық бақылау департаментінің бас маманы:
Ендігі уақытта көпшілік шараға қатысқандарға да мониторингтік топтардың материалдары толтырылды, біздің аумақтық санитариялық эпидемиологиялық басқармаларға материалдар жіберілетін болса, бұл істер де аумақтық басқармаларда қаралатын болады.
Оралдық полицейлер кезекті рейд кезінде 80 адам сауық құрған түнгі клубтың жұмысын тоқтатты. Оның барысында мас күйдегі кейбір тынығушылар сақшыларға қарсылық танытса, енді біразы жауапкершіліктен құтылмақ болып әжетханаға тығылған.
Рауан Диәли
