«Шымкентке 2200 жыл» атты уақыт керуені жолға шықты

«Шымкент - Тәуелсіз Мемлекеттер Достастығы елдерінің мәдени астанасы» жылының жабылуына орай шаһарда уақыт керуені жолға шықты. Керуен бір апта бойы қаланың орталық көшелерімен жүріп өтіп, тарихи сәулеттік орындарды аралайды. Осы кезде шаһар жұртшылығының арман-тілектерін қағазға жазып, керуен қоржынындағы тұмарға салуына мүмкіндігі бар.

Сондай-ақ, керуен қоржынына қаланың тарихын айшықтайтын және жергілікті ақын-жазушылардың шығармалары енген 2 200 кітап теңдей артылады. Оның жанына Шымкент қаласының символына айналған қызғалдақ тұқымы да салынбақ. Осылайша халықтың тілегін арқалаған керуен осы аптаның соңында ежелuі Шымкенттің орны саналатын «Цитадельге» аялдап, онан әрі Тәжікстанның Душанбе қаласына аттанады.

Ғани Қалмахан