Қазақстанға есірткі сатқан топ өзіне «Борат 24» деп ат қойған

Ұлттық қауіпсіздік комитеті Қазақстанда есірткі сататын трансұлттық топтарды ұстаған.  

«Трансұлттық топқа 34 адам мүше болған, өздерінің 8 зертханасы бар. Есірткіні көбіне әлеуметтік желі арқылы сатқан. Сол үшін де кәдімгі интернет дүкен ашып, оны «Борат 24» деп атаған. Олар есірткіні Нұр-Сұлтан, Алматы және Шымкент қалаларында сатқан. Трансұлттық қылмыстық топтан тәркіленген есірткі шамамен 600 млн теңгеге бағаланған», - деп хабарлайды дереккөз. 

Айта кетейік, Ұлттық қауіпсіздік комитеті бұл топты ұстау үшін 2020 жылдың сәуір-қазан аралығында арнайы операция өткізген.