Қараөзек бекетінде жүргізушілерде ПТР-тесттің жоқтығынан көлік кептелісі пайда болды

Ресей мен Қазақстан шекарасындағы Қараөзек бекетіндегі кептеліске көлік жүргізушілерінде ПТР-тесттің жоқтығы себеп. Қазақстанға кіре алмаған көлік иелері Ресейдің Астрахан облысында аялдауға мәжбүр.  

Еліміздің Бас санитарлық дәрігерінің қаулысына сай, көлік жүргізушілері шекарадан өтуі үшін коронавирус инфекциясына сынама тапсыруы тиіс. Індеттен таза болғанда ғана олар шекарадан жіберіледі. Бүгіннен бастап шекараға мобильді зертхана орнатылды.

Ерлан Қиясов, ҚР Денсаулық сақтау министрінің орынбасары:    

-Екі аралықта қатынайтын жүк көлік жүргізушілерінде 3 күн бұрын жасалған ПТР-тесттің қорытындысы болуы керек. Карантин қаулысын орындамағандар шекарадан өткізілмейді. Шектеулердің бәрі халықтың амандығы үшін жасалып жатыр.  

 Жандос Темірғали