Ауыл тұрғындарының зейнетақысын реттейтін құжат болуы керек - Әли Бектаев

Халықты әлеуметтік қорғауда, әсіресе зейнетақымен қамтамасыз етуде назар аудартатын мәселелер көп. Әсіресе ауылды жерлерде тұрақты жұмыс орындарының болмауынан және жалақының аздығынан ауыл еңбеккерлерінен зейнетақы қорына түсетін түсімдер жылдан-жылға азайып келеді. Ертең ауыл тұрғындарының бұл қордан алатын зейнетақысы да мардымсыз болмақ. Оған қоса зейнетақы қорының бір бөлігін алып, пайдалана алмайтындар да солар. Осы мәселелерді жіпке тізген Сенат депутаты Әли Бектаев 2030 жылға дейінгі мерзімге арналған зейнетақы жүйесін жаңғырту туралы тұжырымдамадан еш жаңалық көрмегенін айтады. Сондықтан Премьер-Министр Асқар Маминге депутаттық сауал жолдады.   

Әли Бектаев, ҚР Парламенті Сенатының депутаты: 

-Ондай тұжырымдаманы мүлдем қабылдауға болмайды. Жаңа қабылданатын тұжырымдама, ауыл тұрғындарының зейнетақысы бойынша жаңа стандарттарды белгілейтін, ауыл еңбеккерлерінің зейнетақы жинақтарын көбейтудің, оларды кепілдендірудің жолдарын қарастыратын құжат болуы керек.