Ақтөбе облысында тойды тоқтату үшін дрондар қолданыла бастады

Бұл әдіс әсіресе ауылдарда өз тиімділігін көрсетті дейді мамандар. Елді мекендердің үстін бақылаған дрон арқылы адамдар көп шоғырланған және киіз үй тігілген аулалар лезде анықталады. Қазірге дейін жаңа технология көмегімен Қобда ауданында онға жуық отбасылық іс шара тоқтатылған. Аудан әкімдігі осындай бес дронды пайдаланып отыр. Әр жұма мен демалыс күндері жауапты адам мобильді топпен бірге ауылдарды бақылауға алады. Дрон қолданыла бастағалы той жасаушылар күрт азайған. 

Болат Құлов, Қобда ауданының әкімі: 

-Әрбір ауылдың аспанына ұшырып, сол ауылда болып жатқан жағдай, садақа, тойлардың алдын алуға осыны пайдаланамыз. Аудан шекара аумағында орналасқандықтан шекара қызметкерлері де осы шекара бойындағы заң бұзушылықтың алдын алуға қолданады.

Жақсыбек Кемал