Еліміздегі тағы бір партия атауын өзгертті

Қазақстан коммунистік халық партиясы атын өзгертетін болды. Енді олар «Қазақстанның халық партиясы» деп аталмақ. Яғни, коммунистік деген сөзді алып тастайды. Бұл туралы бүгін партияның кезектен тыс өткен XV съезінде айтылды. Дәл сайлау алдында мұндай ребрендинг партия мүшелерінің қатарын көбейтіп, бағдарламасының аясын кеңейту үшін жасалған. Яғни, коммунист деген сөз болмаса, өзіндік идеясы бар жастар мен түрлі ұйымдар бізге қосылады деп үміттенетіндерін айтты.