Атырауда 200 орындық модульді аурухана ашылды

Атырауда 200 орынға арналған модульді аурухана пайдалануға берілді. Демеушілер есебінен салынған нысанның жалпы ауданы 6700 шаршы метрден астам. Ғимарат 8 блоктан және 10 қосалқы құрылыстан тұрады. Заманауи емдеу мекемесі неміс технологиясы арқылы тұрғызылған. Мұндағы палаталардағы әр төсекке оттегі жүйесі қосылған. Нысан - толық автоматтандырылған. Инфекциялық ауруханада 3 ауысыммен 200-дей маман қызмет етпек.  

Азамат Ерболов, №2 облыстық аурухана директорының орынбасары:    
-Маман толық жеткілікті. Жетпеген жағдайда қосымша мамандар шақыртамыз. Аудандардан да шақыртуға болады. Сонымен қатар, қалалық емханалардан мамандар тартамыз.