«Ақжайық» резерватында құстар қырылып жатыр

Атыраудағы «Ақжайық» мемлекеттік табиғи резерватында шағала мен суқұзғындар қырылып жатыр. Оқиға Каспий теңізінің жағалауында және Жайық өзенінің жоғарғы сағасында тіркелді. Бүгінде әлемдік құс жолында орналасқан қорық аумағынан 80-нен астам қанаттының өлексесі табылды. Олардың неден қырылғаны әзірге белгісіз. Сынамалар алынып, зертханаға жіберілді. Резерватта дәл осындай жағдай, 2013 жылы болды. Ол кезде «Шалыга» аралынан 1300-ге жуық өлі құс табылды.   

Мереке Шалқаров, облыстық Орман шаруашылығы және жануарлар дүниесі аумақтың инспекциясының бөлім басшысы:

  Өлмеген құстардың арасында әлсірегендері бар. Болжам бойынша, миграция кезінде шаршап, әлсіреген болса керек.

Асхат Қарабалиев,  «Ақжайық» мемлекеттік табиғи резерваты басшысының орынбасары:

Қазіргі уақытта басқа аң-құстардың өлімі тіркелген жоқ. 

Жандос Темірғали