Байден президенттік міндетін атқаруға дайын

АҚШ-та президент сайлауында жеңіске жеткен Джо Байден қызметіне кірісуге дайын. Америкалық БАҚ өкілдерінің хабарлауынша, ол бірнеше Жарлыққа қол қойып, Дональд Трамптың бастамаларына тыйым салуға ниетті. Жеңістен кейінгі сөзінде демократ ең алдымен коронавируспен күресу жоспарын қолға алатынын жеткізген. Бұл қызметте оған ел тарихында алғашқы қара нәсілді әйел вице-президент атанған Камала Харрис қолдау болмақ. Американың 46-шы президентінің халық алдында ант беру рәсімі қаңтардың 20-да өтеді деп жоспарланып отыр.

Ал әзірге президент қызметін атқарып жүрген Дональд Трамп сайлау нәтижелеріне көңілі толмай, сотқа жүгінетінін білдірді. Ақ үй басшысының айтуынша, демкораттар дауыстарды санау барысында заңды өрескел бұзған. 

Жансая Қапасқызы