Венадағы терактіге қатысты 14 адам тұтқындалды

Австрия астанасы Венада болған терактіге қатысы бар деген күдікпен 14 адам тұтқындалды. Арасында Ресей азаматтары да бар.  

Дегенмен, полицияның хабарлауынша, лаңкестік әрекетті бір ғана адам жасаған. 20 жастағы күдікті - Австрия мен Солтүстік Македония азаматы. Бұған дейін Сириядағы ДАИШ ұйымына қосылмақ болғаны үшін сотталып, өткен жылы желтоқсанда бостандыққа шыққан. Терактіге дейін күдіктінің Словакияда қару-жарақ сатып алмақ болғаны анықталды. Еске салайық, қарашаның 2-де Венаның алты ауданында ер адам оқ атып, 4 кісі мерт болды. Тағы он шақтысы жараланған. Қылмыскердің өзі арнайы операция барысында полиция қолынан қаза тапты.

Жансая Қапасқызы