Түркістандағы мал базары қайта ашылды

Түркістанда шаруалардың талабынан кейін мал базары қайта ашылды. Ауыл тұрғындары базарлар бірнеше ай бойы жабық болғандықтан, тұрақты табыстан айырылып, жұмыссыз қалғандарын алға тартқан еді. Жұрттың пікірінен кейін өңірдің бас санитар дәрігері мал базарын ашу туралы қаулы шығарды. Жаңа қаулыға сәйкес, барлық базарлардағы малдардың сиымдылығы 30 пайыздан аспауы тиіс.

Сондай-ақ, барлық санитарлық талаптар сақталуы керек. Сатушылар да, сатып алушылар да ара қашықтықты сақтап, бетперде тағып жүруі міндеттелді. Базарларға кіре берісте де арнайы дезинфекциялық орындар жасалып, келушілердің дене қызуы өлшенеді. 

Айнұр Ақбаева