Жаңалықтарды Telegram арнамыздан оқыңыз!Аустрия астанасы Венада болған қарулы шабуылды исламшылдар жасаған. Бұл туралы мемлекет канцлері Себастьян Курц хабарлады.
Кеше кешкісін қарулы топ қаланың бірнеше ауданында оқ атып, төрт адам қаза тапты. Тағы он шақтысы жараланған.
Полицияның хабарлауынша, күдіктілердің біреуі қақтығыс барысында мерт болып, төртеуі тұтқындалды. Тағы бірнешеуі оқиға орнынан ізін суытып үлгерген. Қазір оларды іздестіру жұмыстары жүргізіліп жатыр. Арнайы операцияға жүзден астам маман жұмылдырылды. Ел билігі болған оқиғаны «теракт» деп бағалап, күдіктілердің қылмысқа алдын ала дайындалғанын мәлімдеді. Осыдан кейін бүкіл ел аумағында қауіпсіздік шаралары күшейтіле бастады.
Жансая Қапасқызы
