Еуропа елдерінде карантин күшейтіліп жатыр

Бүгін Германияда қатаң карантин күшіне енді. Ол күздің соңына дейін жалғасуы мүмкін. Канцлер Ангела Меркельдің бұл туралы мәлімдемесі неміс үкіметінің сайтында жарияланды. 

Пандемияның жаңа толқыны жеткендіктен, ресторандар мен барлар, кинотеатрлар мен ойын-сауық мекемелері жабылып, дүкендердің жұмыс уақыты қысқарады. Және де бір жерге он адамнан артық жиналуға тыйым салынып отыр. 

Айта кетсек, жақында Германияда 18 мыңнан астам адамнан коронавирус табылды. Сонымен қатар, қазір мұндай науқастар Еуропаның ондаған елінде көбейіп, бірер күн бұрын Францияда да ұлттық карантин жарияланды.

Арыстан Рысбек