Таразда нан бағасы арзандады

Таразда нан бағасы қайтадан арзандады. Бірер күн бұрын әлеуметтік нанның бағасы 95 теңгеге жеткен болатын. Осыған қатысты өңірде мобильді топ құрылып, бағаны негізсіз көтерген наубайханалар анықталды. Бес наубайханаға қатаң ескерту берілді. Енді нан бағасын тұрақты ұстап тұру үшін кәсіпкерлерге арзан бағамен қосымша ұн жеткізіледі. 

Берік Нығмашев, облыс әкімінің орынбасары:

Бүгін барлық дүкендерге тиісті ұсыным жіберілді. Нан бағасы 85 теңгеден аспайды. Бүгін бұл наубайханалар арзан бағамен 100 тонна ұн алды. 

Сәбит Әлдебай