Банкке берген дербес деректер қалай қорғалады - министр жауап берді

Цифрлық даму, инновациялар және аэроғарыш өнеркәсібі министрі Бағдат Мусин қазақстандықтардың екінші деңгейлі банктердегі жеке деректері қалай қорғалғанын айтты.

«Келісім бойынша, банктер мемлекеттік қызмет көрсету барысында алынған жеке деректерді заңсыз пайдаланғаны үшін заңды тұлға ретінде жауап береді. Екінші деңгейлі банктердің бәрі ақпараттандыру нысандарының тізіміне кіреді. Мұндай нысандар ақпараттандыруға қойылатын бірыңғай талапқа сай болуы тиіс. 

Егер қандай да бір ЖШС немесе кәсіпорын жеке деректерді теріс пайдалану күдігіне ілінсе, Ақпараттық қауіпсіздік комитетіне шағымдануға болады. Біз сол орынға барып, тексеру шараларын жүргіземіз», - деді министр.