Қазақстанда онлайн петиция жасайтын сайт 2021 жылы іске қосылады - Мусин

Қазақстанда онлайн петиция жасайтын сайт 2021 жылдың екінші жартыжылдығында іске қосылады. Бұл туралы Цифрлық даму, инновациялар және аэроғарыш өнеркәсібі министрі Бағдат Мусин айтты.

«Онлайн-петиция бойынша біз бюджет қаражатын шығындамау жолын қарастырып жатырмыз. Бұл мәселе бойынша түрлі ассоциациялармен, компаниялармен қызмет етеміз. Ақпарат және қоғамдық даму министрлігімен бірге нормативтік-құқықтық актілер пысықталатын болады. Болжам бойынша, сайт 2021 жылдың екінші жартыжылдығында іске қосылады», - деді ол брифингте.

Министрдің айтуынша, қазір еліміздегі 4 751 елді мекенде түрлі технологиялар бойынша (3G, 4G, оптика-талшық және т.б.) интернет бар. Жалпы, Қазақсанда 17,5 млн халық интернетпен қамтылған.