Қазақстанда төрт банк теріс жарнама берген

Қаржы нарығын реттеу және дамыту агенттігі қыркүйекте жарнама материалдарына жүргізген мониторингтің арқасында  төрт коммерциялық банктің жарнамасынан өрескел қате тапқан.

Атап айтсақ, «Қазақстан Халық Банкі» АҚ және «Центр Кредит Банкі» АҚ – банктік қызметтер туралы жарнамада банк лицензиясының нөмірін және лицензияны берген органның атауын көрсетпеген. Ал, «Альфа-Банк» АҚ ЕБ – сыйақы мөлшерлемесін шынайы, жылдық, тиімді, салыстырмалы есептеуде көрсету бойынша міндеттемені орындамаған. «Сбербанк» АҚ ЕБ – жариялау күні шындыққа сәйкес келмейтін жарнама материалын орналастырған. Соңғы екі банк әкімшілік жауапкершілікке тартылса, басқы екі банкке ескерту жасалған.