Түркістан облысында тергеу процесін онлайн бақылауға болады

Тергеу абақтысына күдіктіден жауап алу процесін енді онлайн режимде бақылауға болады. Мұндай тәжірибені Түркістан облысының полицейлері енгізіп отыр. Түлкібас ауданындағы полиция бөлімінде тергеушілер мен анықтаушылардың қызметтік бөлмелеріне бейнебақылау камералары орнатылды. Ондағы бейнежазбаларды ниет білдірген кез келген азамат көре алады. Еліміздің ішкі істер министрлігі алдағы уақытта барлық облыстардағы полиция басқармалары мен бөлімшелеріне осындай бақылау камераларын орнатуды жоспарлап отыр.