Атамбаев аштық жариялады

Қырғызстанның бұрынғы президенті Алмазбек Атамбаев өзінің Бішкектегі №1 тергеу изоляторына ауыстырылғанына қарсылық білдіріп, аштық жариялады. Адвокатының сөзінше, ол канализациясы жұмыс істемейтін, есігі ашық, жылу енді ғана берілген жертөлеге қамалған. 

Айта кетсек, тәртіпсіздіктер кезінде бостандыққа шыққан Атамбаев қазанның 9-ыда Ала-Тоо алаңында өткен митингте сөз сөйледі. Бірақ келесі күні ол қайта тұтқындалды. 

11 жылға сотталған экс-президент осыған дейін Ұлттық қауіпсіздік жөніндегі мемлекеттік комитеттің тергеу изоляторында қамалды. Республика омбудсмені Токон Мамытовтың сөзінше, Атамбаев қазір жертөледе емес, бірінші қабаттағы камерада отыр.

Арыстан Рысбек