Ұлттық банк «JUBAN MOLDAǴALIEV.100 JYL» монетасын айналымға шығарды

Ұлттық Банк ақын Жұбан Молдағалиевтің 100 жылдығына орай номиналы 100 теңгелік «JUBAN MOLDAǴALIEV.100 JYL» монетасын айналымға шығарды, деп хабарлайды банктің баспасөз қызметі.

Бұл монеталар кәдесыйлық орамда шығарылады және коллекциялық құны бойынша сатуға арналған.

Номиналы 100 теңгелік коллекциялық монеталар төлемдердің барлық түрлері бойынша Қазақстан Республикасының бүкіл аумағында олардың белгіленген құнымен қабылдануға, сондай-ақ банк шоттарына есепке жазылуға және аударылуға міндетті, еліміздің барлық банктерінде шектеусіз ұсақталады және айырбасталады.